Rúni fer fyribils at stýra kvinnunum

Rúni Sundberg Paturson er nú høvuðsvenjari hjá besta kvinnuliðnum, og tað verður hann fram til summarsteðgin.

Hann tekur við eftir Arnbjørn Danielsen, sum hevur havt ábyrgdina av kvinnuliðnum í ár.

Rúni Sundberg Paturson hevur verið hjálparvenjari í ár, og hann verður sostatt eisini á síðulinjuni í morgin, tá kvinnurnar fáa vitjan av samansetta suðuroyarliðnum. Tann dysturin er klokkan 15.00.

Arnbjørn Danielsen hevur fingið starv sum venjari hjá U17 í danska AC Amager Academy. B36 takkar honum fyri tíðina og ynskir honum bestu eydnu við nýggju uppgávuni.