16 ára gamli Marius Árting Allansson hevur í dag skrivað undir sín fyrsta sáttmála við B36
Marius er uppaldur í B36, og hann hevur longu sitið onkran dystin á beinkinum á Betri-liði okkara, umframt at hann eisini hevur spælt við øðrum liði hjá okkum.
Ungdómsárini hevur ferðmikli spælarin prógvað, at hann væl kann verða ein av teimum, sum vit koma at síggja nógv til komandi árini, og sáttmálin er eisini tekin um, at hetta er ein spælari, sum høvuðsvenjari okkara sær góðar møguleikar í.