top of page

Fyrsti útlendski venjarin í 21 ár

Tá norski Magne Hoseth skrivaði undir sáttmála sum høvuðsvenjari í síðstu viku, var tað

samstundis fyrstu ferð í sløk 21 ár, at B36 hevur útlendskan høvuðsvenjara.


Seinast var í 2003. Rumenski Ion Geolgau hevði ábyrgdina av besta mansliðnum tað árið, og tað lukkaðist eisini honum og hópinum at vinna steypakappingina. Árini frammanundan hevði hann verið venjari í HB við góðum úrslitum. Eftir árini í Føroyum fór hann til Íslands at vera venjari hjá Fram í Reykjavík, sum eisini var hansara seinasta arbeiðsuppgáva sum høvuðsvenjari. Seinastu tjúgu árini hevur hann millum annað verið ítróttastjóri í barndómsfelagnum Universitatea Craiova, og í nøkur ár arbeiddi hann sum fótbóltsgreinari fyri rumenska landsliðið.


Seinast B36 hevði útlendskan høvuðsvenjara var í 2003. Tá var rumenski Ion Geolgau venjari.


Seinastu tretivu árini hava fleiri høvuðsvenjarar framt søgulig úrslit í B36. Í 1997 vann tiltikni

serbiski Tomislav Sivic fyrsta meistaraheitið felagsins í 35 ár við undirhaldandi og málsøknum fótbóltsspæli, og fýra ár seinni var B36 fyri fyrstu og higartil einastu ferð greipuvinnarar við pólska Piotr Krakowski á síðulinjuni.


Í 2005 vann Sigfríður Clementsen føroyameistaraheitið við B36, og tað var eisini eitt bragd, at besta mansliðið sama ár spældi seg á fyrsta sinni víðari í evropeiskari kapping.


Mikkjal Thomassen (2011), Sámal Erik Hentze (2014), og Eyðun Klakstein (2015) vunnu

føroyameistaraheitið sum venjarar, og Jákup á Borg (2018) og Dan Brimsvík (2021) vunnu

steypakappingina. Hesir báðir seinastu hava eisini góð evropeisk úrslit at vísa á.


Venjarar í B36 seinastu 30 árini:


1994 Páll Guðlaugsson og Wieslaw Zakrzewski

1995 Petur Simonsen

1996 Jógvan Norðbúð

1997-99 Tomislav Sivic

2000 Per Olov Andersson

2000-02 Piotr Krakowski

2003 Ion Geolgau

2004 Jóannes Jakobsen

2005-06 Sigfríður Clementsen

2007 Kurt Mørkøre

2008 Heðin Askham

2009 Mikkjal Thomassen

2010 Sigfríður Clementsen og Allan Mørkøre

2011-13 Mikkjal Thomassen

2014 Sámal Erik Hentze

2015-16 Eyðun Klakstein

2017-20 Jákup á Borg

2020-24 Dan Brimsvík

2024- Magne Hoseth


Tomislav Sivic royndist eisini væl í B36. Hann er nú venjari hjá Zeleznicar Pancevo í bestu

serbisku deildini.

Comentários


Post: Blog2_Post

FELAGSTÍÐINDI

bottom of page