top of page

Benjamin er drúgvur

Hann er longu tann spælarin í hópinum, sum hevur flestar dystir fyri besta manslið okkara. Og nú hevur Benjamin skrivað undir fyri tvey ár afturat



Benjamin Heinesen og B36 halda ólavsøku við nýggjum sáttmála í skjáttuni. Tað stóð greitt í dag, tá Benjamin setti sítt navn undir nýggjan sáttmála.

Hóast hann enn ikki er meira enn 25 ár, so er Benjamin tann av núverandi spælarum okkara, sum eigur flestar dystir á besta mansliðnum. Fyrstu minuttirnar spældi hann í 2012, og higartil er tað blivið til 222 dystir og 30 mál á besta mansliðnum.

Fyri tað mesta hevur Benjamin spælt í høgra borði – bæði sum vongur og sum bakkur, men hann kann eisini spæla mitt fyri, soleiðis sum gjørdi tað fleiri dystir undan summarsteðginum.

Nýggi sáttmálin er galdandi fram til kappingarlok 2023.

Kommentare


Post: Blog2_Post

FELAGSTÍÐINDI

bottom of page