Aftur í kvøld vóru nóg mikið av hyggjarum, sum atkvøddu Svein Gaard Olsen víðari í X-factor

Á aðalfundinum í gjárkvøldið hevði forkvinnan í ungdómsnevndini eisini orðið. Tá Heidi Elgeirsdóttir tók samanum virksemið hjá ungdómsdeildini, endaði hon við boðunum um, at hon fór til Danmarkar fríggjamorgunin, og samstundis sendi hon eina áheitan til aðalfundin um at atkvøða sv til 1212, tá X-factor var á skránni.

Og í kvøld sóu vit so Heidi á skíggjanum, eftir at beiggin, Sveinur, hevði havt sína framførslu. Hesa ferð var tað sum veruligur rockari, og hann framførdi Surprise Me hjá Tim Christensen somikið sannførandi, at hann aftur hesa ferð varð atkvøddur trygt ígjøgnum. Verri gekst hjá starvsfeløgunum í bólkinum yvir 25, tí bæði Mulilla og Katrine endaðu báðar í vandabólkinum, og tað endaði við, at Katrine mátti siga farvæl við X-factor.