Í morgin - leygardagin - verður arbeiðsdagur í B36-húsinum, sum fær fleiri ábøtur

Tað hevur sítt slit við sær, tá B36-húsið alla summarhálvuna - og meira afturat - er karmur um gerandisdagin hjá hundraðtals ungdómum og vaksnum. Viðlíkahald av húsinum er avgjørt nakað, sum eigur at hava høga raðfesting hjá øllum limum felagsins, og í morgin verður so arbeiðsdagur, har fleiri ábøtur verða gjørdar.

Eitt hampuliga stórt lið av handverkarum hevur longu teknað seg til dagin, sum byrjar klokkan 8.30, og síðani verður koyrt við fullari ferð til á leið 13.30, tá ein góð súpan verður at fáa hjá arbeiðsfólkunum.

Hóast fleiri longu hava játtað seg til, so er sjálvandi altíð rúm fyri enn fleiri. So hevur tú og stundir, so er bara at møta í B36-húsinum í morgin.