Toftamenn vitja

Í annaðkvøld, týskvøldið kl.18.30, fáa vit vitjan av B68 í Gundadali. Spennandi verður at síggja hvussu sær út hjá báðum liðunum so tíðliga á árinum, og um vit fara at síggja nakað av góða spælinum, sum B68 vísti øllum Føroyum í fjør. Aftur í ár stendur ársins venjari 2009, Bill McLeod Jacobsen, sum vísti síni góðu evni bæði við B68 og føroyska U21-landsliðnum, við síðulinjuna hjá toftamonnum.

Leygardagin leiktu somu lið vinardyst á Toftum, og tann dystin vunnu vit 2-0 við málum frá Christiani R. Mouritsen og Hjalgrími Elttør.