B36 er komið aftur á rættkjøl!

Eini 40 fólk vóru møtt á aðalfundi hjá B36 í kvøld, har kassameistarin, Kjartan Mohr, kundi leggja ein ársroknskap fram, sum týðiliga vísti, at felagið er komið aftur á rættkjøl eftir fíggjarligu kreppuna sum tað var í fyri einum ári síðani.

Formaðurin, Kristjan á Neystabø, segði m.a., at árið í fjør var tað ítróttarliga vánaligasta hjá besta liðnum hjá B36 í langa tíð, men fegnaðist tó um, at góða arbeiðið, sum verður gjørt í ungdómsdeildini av álvara er farið at bera frukt, og at úrslitini síggjast bæði á og uttan fyri vøllin.

Eftir uppskoti frá nevndini varð nevndin víðkað úr 3 upp í 5 limir, og umframt teir tríggjar Kristjan á Neystabø, Kjartan Mohr og Edvard Heen, sum allir vórðu afturvaldir, vórðu Bjarni Djurholm og Sámal Ímundarsson nývaldir í nevndina. Til tiltakslimir vórðu valdir Símun Midjord og Magnus Hansen.

Ein heilsan varð borin Sonna Johannesen, sum er farin at sigla heim við millum øðrum Odmar Færø umborð. Odmar skal til venjing beinanvegin! :-)