Áskoðarastuðulin til okkara lið er skipaður soleiðis, at  allir partar eru undir sama hatti við vælkenda navninum Floksmenn.

Allir fjepparar, ung sum gomul, White Tigers, eldri B36-arar, foreldur og annars øll onnur við, ið hava áhuga í at stuðla okkara liðum, verða boðin at gerast limir í Floksmonnum. Allur ágóðin av limagjaldinum og møguligum øðrum inntøkum til Floksmenn fer, aftaná útreiðslur, óskerdur til  B36. ¾ til ungdómsarbeiðið og ¼ til rakstur av felagshúsinum v.m..

Limaskapur í FLOKSMONNUM  hevur  - alt eftir slagi av limaskapi - fleiri fyrimunir við sær.

Fyrimunirnir kunnu vera:

• Fríkort til allar heimadystirnar

• Ókeypis bussferðir til útidystirnar

• Ókeypis atgongd til Floksmannahølið

• Ókeypis atgongd til onnur tiltøk, so sum Premier league dystir á stórskíggja í Floksmannahølinum, familjutiltøk o.m.a. sum er í umbúna.

Treytin fyri at luttaka í hesum tiltøkum er, at tú gerst limur í Floksmonnum og samstundis váttar eina fasta bankaflyting eina ferð um mánaðin.

Fýra møguleikar eru fyri limaskapi:

• Gull-limaskapur, ið kostar 150,-/mðr., gevur árskort til allar heimadystir hjá Vodafoneliðnum, rætt til ókeypis bussferðir og ókeypis atgongd til øll tiltøk hjá Floksmonnum og White Tigers.

• SilvurÚti-limaskapur, ið kostar 75,-/mðr., gevur rætt til ókeypis bussferðir og ókeypis atgongd til øll tiltøk hjá Floksmonnum og White Tigers.

• SilvurHeima-limaskapur, ið kostar 75,-/mðr., gevur fríkort til allar heimadystirnar hjá besta liðnum hjá B36 og ókeypis atgongd til øll tiltøk hjá Floksmonnum og White Tigers.

• Bronsu-limaskapur, ið er fyri børn undir 14 ár og er ókeypis, gevur rætt til ókeypis bussferðir, atgongd til Floksmannahølið og atgongd til tiltøk hjá Floksmonnum og White Tigers.

Tekna teg sum lim í Floksmonnum beinanvegin!

Við at trýsta á leinkið niðanfyri kemur tú víðari inn á tilmeldingar-teldupost hjá Floksmonnum. Upplýs navn, bústað, telefonnummar, teldubústað og ynskt slag av limaskapi og send avstað.

Hvar er tað stuttligt?

Tað er tað í Floksmonnum, so skunda tær og tekna teg sum lim. Trýst Hesin teldubústaðurin er vardur móti skipanum, ið savna teldubústaðir. Tú skalt aktivera javascript fyri at síggja bústaðin.

Kontonummarið hjá Floksmonnum er 9181 -1673159 í Eik Banka.