B36 boðar í dag frá, at nýggjur tvey-ára sáttmáli er undirskrivaður við Símun Joensen.

Blíðskortaði og evnagóði vinstri bakverjin sást á fyrsta sinni á B36-liðnum við kappingarbyrjan í ár, og hóast hann var eitt sindur darvaður av skaðum, so vísti hann skilliga, at fongur er í honum, og tað er tí við gleði, at B36-leiðslan í dag boðar frá, at Símun hevur avgjørt at vera í felagnum tey komandi tvey kappingarárini.

Heimasíðan gleðir seg til at síggja Símun aftur á B36-liðnum og ynskir góða eydnu!