Nú nærkast við rúkandi ferð til at ársveitslan verður. Dagurin er sum tit vita 30 oktober og verður veitslan hildin í B36 húsinum. Keyp títt atgongumerki til ársveitsluna í B36 húsinum í morgin 23. oktober. Vit selja áðrenn dystin, í hálvleikinum og eftir dystin.

Kostnaðurin er 375,- og tað er 18 ára aldursmark!

Um tit ikki hava møguleika til tað, sendi so ein meyl til Hesin teldubústaðurin er vardur móti skipanum, ið savna teldubústaðir. Tú skalt aktivera javascript fyri at síggja bústaðin. ella ringja 226273

Matskráin er bæði góð og spennandi. Orkestri sum kemur at spæla til dansin er ikki minnið enn besta dansiorkestur í landinum anno 2010. Hóast teir nevna seg Chill, so kann ikki sigast at talan er um chill tónleik. Veitslugestirnir skula brynja seg við góðum dansiskóm, tí tað er trupult at sita tá Chill við stórari spæligleði og hegni ferðast ígjøgnum tónleikasøguna. Men latum okkum ikki fortelja alt, okkurt skal koma sum eitt positivt yvirraskilsi.

Í øllum føri lova vit eina einastandandi veitslu, tað einasta sum krevst er, at tú kemur við, at tú ert í veitslulag og hevur hug at luttaka í ársins veitslu.

Vit síggjast til veitsluna :)