B36 og Jákup á Borg hava skrivað undir nýggjan sáttmála, sum bindir hann at felagnum komandi kappingarár

Ein av profilunum hjá okkum hetta kappingarárið, Jákup á Borg, hevur longt um sáttmálan við B36, soleiðis at hann eisini spælir fyri okkum komandi kappingarár. Nógv er broytt síðan hann í kappingarárunum 1998 og 1999 gjørdist toppskjútti í fremstu føroysku deildini, men týdningur hansara fyri liðið er als ikki minkaður - tvørturímóti.

Jákup, sum hevur verið fastur partur av føroyska A-landsliðnum í ár, ynskir at gloyma trilvandi kappingarárið í ár, og fegnast um nýggja sáttmálan. Tað gera vit sjálvsagt eisini, og vit gleða okkum longu at síggja hann aftur í hvíta búnanum komandi ár.